不知不覺已經用了惠而浦蒸焗爐2年了，一直都好滿意呢位佳麗嘅表現👍🏻但人始終係貪新鮮的😁見到呢個品牌剛出了新款，而且多咗好多新功能，好啱整開天然酵母麵包嘅我（想買就自然多理由😂請叫我日本名.....理由多多子😂😂😂）
而舊爐喺昨日燉完個花旗參燉肉汁比honey補吓身後，就榮休了🎉🎉🎉同時亦恭喜佢搵到個愛錫佢嘅新主人（唔好浪費麻😄），我地重溫一下佢榮休前最後一次為我嘅服務啦😁
新款蒸焗爐剛落地第一次試焗嘅係：雙酵紫薯包🍩🍩。未同佢深入了解，要慢慢培養感情😚
** 用後感請看下面👇🏻
焗麵包方面：
1）新款同樣都有右後方火力較大嘅情況，但比舊款已經改善咗好多。只要再摸熟d個爐嘅特性，相信呢點唔成問題，加錫紙就可解決 😊
2）新款爐溫普遍比舊款溫和咗！（以前用舊款，食譜寫200度溫度，我要減20度，否則一定變非洲包😆 雖然減了20度，但麵包色澤都普遍較深色），新款我照樣減20度，但麵包嘅色澤較淺，焗完我會追加2-3分鐘令麵包色澤靚d😅）
3）新款爐上方中間嘅溫度較四邊弱，焗包時放中間焗嘅麵糰較難上色，所以出現整盤包有色澤不一嘅情況。（解決方法：，只要唔放麵糰係中間焗就得😆）
新爐關係，仍未摸熟😅要慢慢再同佢談吓情先😊
報告完畢😜
沒有留言:
張貼留言